ЕС: Ліцэнзія на эксплуатацыю блока БелАЭС выдадзена з парушэннямі бяспекі
Еўракамісар адзначыла, што Мінск не выканаў усе рэкамендацыі па бяспецы, якія змяшчаюцца ў справаздачы ЕС аб стрэс-тэстах. Лукашэнка не выключыў пабудовы другой АЭС.
Беларуская АЭС (БелАЭС) пад Астраўцом
Еўракамісія (ЕК) выказала шкадаванне, што Мінск наважыўся пачаць эксплуатацыю Беларускай АЭС (БелАЭС) пад Астраўцом, «не выканаўшы ўсе рэкамендацыі бяспекі, якія змяшчаюцца ў справаздачы ЕС аб стрэс-тэстах ад 2018 года». Гэта вынікае з заявы еўракамісара па энергетыцы Кадры Сімсан.
У Еўракамісіі падкрэсліваюць, што, хоць выдача камерцыйнай ліцэнзіі на эксплуатацыю АЭС — у кампетэнцыі нацыянальных улад, пад наглядам нацыянальнага рэгулятара, неабходна забяспечыць максімальную бяспеку ў эксплуатацыі станцыі. «Гэта тым больш неабходна, улічваючы яе блізкасць да мяжы ЕС і сталіцы Літвы — Вільні», — лічаць у Бруселі. Там падкрэсліваюць, што сітуацыя «выклікае павышаную заклапочанасць у ЕС».
Еўракамісія настойвае на працягненні Мінскам кантактаў па пытаннях ядзернай бяспекі «ва ўмовах поўнай празрыстасці, у тым ліку шляхам завяршэння экспертнай ацэнкі Астравецкай АЭС групай еўрапейскіх рэгулятараў у сферы ядзернай бяспекі (ENSREG)».
Паводле www.dw.com