ЕС пачаў працу над сёмым пакетам санкцый супраць Расіі

Еўрасаюз пачаў працу над сёмым пакетам санкцый супраць Расіі на фоне поўнамаштабнага ўварвання ва Украіну. Аб гэтым заявіў намеснік міністра замежных спраў Польшчы Павел Яблонскі ў інтэрв'ю PAP, піша unian.net. Ці будзе сёмы пакет распаўсюджвацца на Беларусь, не ўдакладняецца.

«Санкцыі павінны быць яшчэ больш жорсткімі — у кантэксце таго газу, які Расія можа прадаць, у кантэксце адключэння ўсіх расійскіх банкаў ад сістэмы SWIFT. Я кажу ў асноўным аб «Газпрамбанку», які выкарыстоўваецца Расіяй у сваёй прамысловасці», — заявіў ён.

Таксама неабходна ўвесці эмбарга на тэхналогіі, якія Расія можа пастаўляць і выкарыстоўваць у сваёй прамысловасці.

Яблонскі падкрэсліў, што неабходна канфіскаваць расійскія актывы ў Еўропе, а не проста замарозіць іх. Зрэшты, праца па гэтым пытанні ўжо вядзецца.

Нагадаем, Савет Еўрасаюза афіцыйна зацвердзіў шосты пакет санкцый супраць Расіі. Абмежавальныя меры ўведзеныя супраць 18 кампаній і 65 чалавек, якія так ці інакш датычныя да расійскай агрэсіі супраць Украіны. Таксама шосты пакет еўрапейскіх санкцый закрануў беларускіх фізічных і юрыдычных асоб.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: