У першы ж дзень датэрміновага галасавання студэнтаў «заганяюць» на ўчасткі

6 верасня распачалося датэрміновае галасаванне па выбарах дэпутатаў Палаты прадстаўнікоў Нацыянальнага сходу Рэспублікі Беларусь шостага склікання.

stop_zagon.jpg


“Праваабаронцы за свабодныя выбары” сумесна з ініцыятыўнай групай студэнтаў запусцілі кампанію “Стоп загон” і заклікалі распавядаць пра выпадкі прымусу да ўдзелу ў датэрміновым галасаванні.

І амаль адразу пасыпаліся паведамленні ад студэнтаў розных ВНУ. Так, ціск на студэнтаў праз старастаў груп, БРСМ ці прафкам аказваюць у Баранавіцкам дзяржаўным універсітэце, Беларускім дзяржаўным педагагічным універсітэце, юрыдычным каледжы БДУ.

У інтэрнатах Магілёўскага дзяржаўнага ўніверсітэта імя А. Куляшова размешчаныя аб'явы аб сустрэчы з рэктарам наконт выбараў.


stop_zagon_1.jpg

stop_zagon_3.jpg

Больш за тое, у БДСГА студэнтам нават “рэкамендуюць” за каго галасаваць, — кандыдата, які вылучаецца ад іх ВНУ, прарэктара па вучэбнай працы Алену Калесневу.

А на ўчастку №17 па выбарчай акрузе №84 утварылася чарга з курсантаў Магілёўскага інстытута МУС. За 25 хвілін тут прагаласавала 50 чалавек.

Некаторыя ВНУ абяцаюць студэнтам прадаставіць афіцыйныя выходныя 9 і 12 верасня, нібыта для таго, каб студэнты добра адпачнулі дома.  

Студэнты таксама пішуць пра прымус у сацыяльных сетках, выкладваюць скрыншоты паведамленняў.


stop_zagon2.jpg

stop_zagon3.jpg

Кампанія “Стоп загон” прапануе не маўчаць пра парушэнні правоў студэнтаў, а паведамляць пра іх праз ананімную анлайн-форму.


“Праваабаронцы за свабодныя выбары”