На ўручэнні Нобелеўскай прэміі Беларусь будзе прадстаўляць Ціханоўская. Пасла РБ не запрасілі

Паслы Беларусі і Расіі не запрошаныя на цырымонію ўручэння Нобелеўскіх прэмій 10 снежня. Пра рашэнне абвясціў Фонд Нобеля.


«Фонд Нобеля запрашае паслоў, якія знаходзяцца ў Стакгольме, але маючы на ўвазе ўварванне Расіі ва Украіну, Фонд вырашыў не запрашаць паслоў Расіі і Беларусі на цырымонію ўручэння Нобелеўскіх прэмій у Стакгольме», — гаворыцца ў прэс-рэлізе.

Затое запрашэнне на цырымонію атрымала дэмакратычная лідарка Беларусі Святлана Ціханоўская. Запрашэнне прыйшло ад дырэктара Нарвежскага Нобелеўскага інстытуту.

«Гэта добрая нагода прыцягнуць увагу да справы Алеся Бяляцкага, беларускіх палітвязняў, і ўсіх беларусаў, якія зараз змагаюцца за свабоду», — пракаментавала Ціханоўская.

Нобелеўскую прэмію міру ў гэтым годзе падзялілі беларускі праваабаронца, палітвязень Алесь Бяляцкі, расійскае таварыства «Мемарыял» і ўкраінская арганізацыя «Цэнтр Грамадзянскіх Свабод».

У беларускім МЗС назвалі рашэнне Нобелеўскага камітэта палітызаваным.




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: