Парашэнка распавёў, чаго запатрабуе падчас перамоваў «нармандскай чацвёркі»

Прэзідэнт Украіны Пятро Парашэнка падчас тэлефонных перамоваў у «нармандскім фармаце» будзе патрабаваць неадкладнага забеспячэння «цішыні» на Данбасе.

Інфармацыя пра гэта зʼявілася сёння на старонцы прэзідэнта ў Facebook.
«Падчас тэлефоннай канферэнцыі ў нармандскім фармаце, якая плануецца на наступным тыдні, буду патрабаваць неадкладнага забеспячэння рэжыму цішыні», — адзначыў Парашэнка.


Ён падкрэсліў, што ў выпадку невыканання ўмоваў, адбудзецца ўзмацненне санкцый супраць РФ у адпаведнасці з нядаўнім рашэннем саміту Вялікай Сямёркі.
Тэлефонныя перамовы паміж лідарамі Украіны, Германіі, Францыі і Расеі адбудуцца ў панядзелак 24 ліпеня.
Паводле belsat.eu