Пастаўкі трубаправоднай нафты з Расіі не патрапяць пад эмбарга?

Адпаведная выснова вынікае з праекту заявы лідараў ЕС, з якім азнаёмілася агенцыя Reuters.

Лідары ЕС павінны дамовіцца на саміце аб тым, што пакет санкцый, які рыхтуецца, павінен уключаць эмбарга на імпарт расійскай нафты, але выключаць пастаўкі сырой нафты па трубаправодзе.
«Еўрапейскі савет згодны з тым, што шосты пакет санкцый супраць Расіі будзе распаўсюджвацца на сырую нафту, а таксама нафтапрадукты, якія пастаўляюцца з Расіі ў дзяржавы-члены, за часовым выключэннем сырой нафты, якая пастаўляецца па трубаправодзе», — сказана ў праекце заявы.