Скандал: сябра камісіі зафіксавала фальсіфікацыю 50% датэрміновай яўкі

Назіральнік і сябра камісіі налічылі 279 выбарнікаў на датэрміновым галасаваньні, а старшыня камісіі — 568.
Віталь Рымашэўскі спрачаецца са старшынёй
камісіі

Віталь Рымашэўскі спрачаецца са старшынёй камісіі


За час датэрміновага галасавання на ўчастку для галасавання № 425 (знаходзіцца ў памяшканні мінскай школы № 159 ), гэта акруга № 103, што ў Фрунзенскім раёне Мінску, незалежны назіральнік і незалежны сябра камісіі зафіксавалі яўку ў 279 выбарнікаў, а камісія — 568 выбарнікаў.

Участак для галасаваньня

Участак для галасаваньня

Але старшыня камісіі адмовіла назіральнікам у пераліку, паведаміў Свабодзе Віталь Рымашэўскі, давераная асоба кандыдаткі ад БХД Вольгі Кавальковай.

Вольга Кавалькова, Ядвіга Ўгольнік і Віталь Рымашэўскі

Вольга Кавалькова, Ядвіга Ўгольнік і Віталь Рымашэўскі


Сябры камісіі публічна абражалі Ядвігу Угольнік, незалежнага сябра камісіі, называлі яе бабай, пагражалі ёй і не давалі выходзіць да журналістаў.

Генадзь Быкаў, назіральнік ад сацыял-дэмакратаў, на брыфінгу для журналістаў падвёў вынікі яўкі па днях. Кожны дзень ягоныя лічбы і лічбы Угольнік не супадалі з лічбамі камісіі. У адзін дзень, 9 верасня, несупадзенне было рэкорднае — 38 выбарнікаў, налічаных незалежнымі назіральнікамі, супраць 171 выбарніка паводле камісіі. Вынікі Быкава і незалежных назіральнікаў па днях супалі з назіраннямі Угольнік.

Скарга незалежнага назіральніка Генадзя Быкава

Скарга незалежнага назіральніка Генадзя Быкава


Скаргі будуць пададзеныя «ва ўсе інстанцыі, апроч маўзалея», кажа Быкаў, у тым ліку ў пракуратуру і ў міліцыю. Назіральнік чакае, што пры рэальнай яўцы 500 чалавек за асноўны дзень галасавання камісія абвесціць яўку больш за 1000 чалавек.

Паводле svaboda.org

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: