У Іран — без візаў!
З 4 лютага грамадзяне Беларусі і яшчэ 27 краін змогуць наведваць Іран без візаў. На сёння грамадзяне Беларусі могуць наведваць без уязных віз 43 краіны.
Пра гэта паведаміў 30 студзеня дзяржаўнаму інфармацыйнаму агенцтву IRNA намеснік міністр замежных спраў гэтай краіны Рэза Бігдэлі, піша «Позірк».
Акрамя Беларусі, новаўвядзенне датычыцца турыстаў з Бахрэйна, Босніі і Герцагавіны, Бразіліі, Брунея, В’етнама, Індыі (толькі пры падарожжы паветраным транспартам), Інданезіі, Зімбабвэ, Камбоджы, Катара, Кубы, Кувейта, Кыргызстана, Маўрыкія, Маўрытаніі, Мексікі, ААЭ, Перу, Саудаўскай Аравіі, Сейшэльскіх Астравоў, Сербіі, Сінгапура, Танзаніі, Туніса, Узбекістана, Харватыі і Японіі.
16 кастрычніка 2023 года, за дзень да прыбыцця ў Мінск першага віцэ-прэзідэнта Ірана Махамада Махбера, міністр турызму Эззатала Заргамі заклікаў адмяніць візавыя патрабаванні для арганізаваных турыстычных груп з Ірана і Беларусі, а таксама аднавіць прамыя авіязносіны паміж краінамі.
На сёння грамадзяне Беларусі могуць наведваць без уязных віз 43 краіны.
Глядзіце таксама
Згодна з інфармацыяй на сайце МЗС Беларусі, грамадзяне Ірана ў ліку прадстаўнікоў яшчэ 76 дзяржаў могуць знаходзіцца ў Беларусі без віз да 30 сутак пры ўмове прыбыцця ў Нацыянальны аэрапорт Мінск альбо аэрапорты Брэст, Віцебск, Гомель, Гродна, Магілёў (прыбыццё і выбыццё не павінна ажыццяўляцца рэйсамі з/у Расію).
Глядзіце таксама
Пры гэтым абавязковым дадатковым патрабаваннем для грамадзян Ірана і яшчэ 11 краін з’яўляецца наяўнасць у дакуменце для выезду за мяжу сапраўднай шматразовай візы дзяржаў ЕС або Шэнгенскай зоны з адзнакай аб уездзе на іх тэрыторыю, а таксама авіябілетаў з пацвярджэннем вылету з Нацыянальнага аэрапорта Мінск або аэрапортаў Брэст, Віцебск, Гомель, Гродна, Магілёў на працягу 30 дзён з даты ўезду.
Як пісаў «НЧ», грамадзяне ўсіх суседніх з Беларуссю краін — нават расіяне — могуць наведваць большую колькасць краін без візаў. Польшча — 186 краін, Літва — 184 краіны, Латвія — 183 краіны, Украіна — 146 краін, Расія — на 49-м месцы 115 краін.