У Мінскай гімназіі настаўнікаў прымусілі тлумачыць дзецям, што беларусы і расійцы — адзіны народ

У мінскай гімназіі № 14 настаўнікі мусяць правесці абавязковыя мерапрыемствы да дня яднання народаў Беларусі і Расеі. План мерапрыемстваў патрапіў у сацыяльныя сеткі, піша Свабода.

Мерапрыемствам нумар адзін значыцца правядзенне класных гадзінаў на тэму «Адзіны народ».
Настаўнікі павінны прадэманстраваць дзецям відэаролікі да дня яднаньня народаў Беларусі і Расіі, запланаваная адмысловая выстава і гадзіны палітінфармацыі.
14 гімназія ў Мінску беларускамоўная. План зацверджаны намеснікам дырэктара па выхаваўчай рабоце Г.Рунцо. Журналісты высвятляюць, гэта ініцыятыва адміністрацыі канкрэтнай установы альбо цэнтралізаваная дырэктыва ўсім школам.