Пачалі з правалу. У стартавым матчы алімпійскай кваліфікацыі беларускія хакеісты прайгралі палякам

У Браціславе распачаліся адборачныя хакейныя гульні за пуцёўку на Алімпіяду-2022, якая пройдзе ў Пекіне. У першым матчы зборная Беларусі сенсацыйна саступіла камандзе Польшчы — паводле рэйтынгу, самаму слабому ўдзельніку кваліфікацыі. Палякі выступаюць у трэцім дывізіёне сусветнага хакея.

20210826183115.jpg

Лік гульні — 0:1. Адзіную шайбу ў беларускую браму закінуў нападаючы Каморскі.

Нагадаем, што ў групе задзейнічаны яшчэ дзве зборныя — Аустрыі і Славакіі, якія сёння сустракаюцца між сабой. На Алімпіяду адправіцца толькі адна каманда з чатырох — пераможца групы. Пасля сённяшняй паразы шанцы беларусаў паменшыліся.

Наперадзе ў зборнай Беларусі яшчэ два матчы — заўтра з аустрыйцамі і ў нядзелю з гаспарадамі лёду славакамі.

20210826183410.jpg