Памёр былы футбаліст зборнай Беларусі Дзяніс Коўба. У яго быў COVID-19

Спартсмена не стала на 43-м годзе жыцця.

На 43-м годзе жыцця памёр былы беларускі футбаліст Дзяніс Коўба.

Ураджэнец Віцебска, ён правёў за расійскія «Крылы Саветаў» — свой галоўны клуб — 260 матчаў і забіў 8 галоў. Дзяніс Коўба заваёўваў у Самары бронзавыя медалі чэмпіянату Расіі, выступаў у Кубку УЕФА і гуляў у фінале Кубка Расіі.

Доўгі час ён гуляў за зборную Беларусі, у складзе якой правёў 35 матчаў і забіў 2 галы.

Апошнім часам Дзяніс Коўба працаваў трэнерам у структуры роднага «Віцебска».

Нядаўна ён трапіў у рэанімацыю з каронавірусам, быў у цяжкім стане і, на жаль, так і здолеў справіцца з хваробай.