ААН расследуе паведамленні аб пахаваннях пад Данецкам
24 верасня факт пахаванняў у шахце «Камунарскай» пацвердзілі супрацоўнікі місіі АБСЭ.
Маніторынгавая місія Упраўлення вярхоўнага камісара ААН па правах чалавека (УВКПЧ) ва Украіне вырашыла правесці расследаванне паведамленняў аб масавых пахаваннях пад Данецкам. Пра гэта паведамляе ИТАР-ТАСС са спасылкай на прэс-сакратара УВКПЧ Равіна Шамдасані.
«Няяснымі застаюцца вялікая колькасць пытанняў — хто адказны за гэта, колькі дакладна целаў. Нашая каманда плануе правесці расследаванне», — заявіла Шамдасані.
Прэм'ер-міністр самаабвешчанай Данецкай народнай рэспублікі (ДНР) Аляксандар Захарчанка заявіў, што каля 40 целаў мірных жыхароў былі знойдзеныя ў трох брацкіх магілах пад Данецкам. Паводле яго слоў, дакладная колькасць брацкіх магіл пакуль невядомая. У адным з трох знойдзеных пахаванняў ляжаць целы мірных жыхароў, а ў двух іншых — целы палонных апалчэнцаў і ўкраінскіх салдат.
24 верасня факт пахаванняў у шахце «Камунарскай» каля пасёлка Ніжняя Крынка пацвердзілі супрацоўнікі місіі АБСЭ.