Члены літоўскага прафсаюза супрацоўнікаў унутраных справаў выканаюць у цэнтры Вільні «Хор рабоў»

Супрацоўнікі сістэмы ўнутраных спраў Літвы, якія патрабуюць павелічэння фінансавання і рэформы сістэмы унутраных справаў, у пятніцу маюць намер правесці першыя акцыі пратэсту.



Членаў Еўракамісіі (ЕК), якія ў пятніцу прыбываюць у Вільню на мерапрыемства ў Нацыянальнай мастацкай галерэі, сустрэне пікет паліцэйскіх, пажарнікаў і памежнікаў.
 

Як сказала старшыня Прафсаюзу паліцэйскіх Рома Кацінене, удзельнікі пікету каля аэрапорта будуць апранутыя ў форменнае адзенне і будуць трымаць плакаты на літоўскай і англійскай мовах. Акцыі пратэсту будуць праходзіць і каля будынкаў, у якіх намечаны афіцыйныя сустрэчы.
 

На наступным тыдні, 9 ліпеня, памежнікі плануюць пачаць так званую італьянскую акцыю пратэсту, калі ўсіх асоб, якія перасякаюць мяжу, і транспартныя сродкі будуць правяраць доўга і асабліва старанна.
 

19 ліпеня прафсаюз супрацоўнікаў сістэмы УС плануе правесці акцыю ў цэнтры Вільні. Па словах Кацінене, удзельнікі пратэсту маюць намер выканаць «Хор рабоў» з оперы Джузэпэ Вердзі «Набука». Акрамя таго, плануецца раздаваць улёткі аб становішчы супрацоўнікаў сістэмы ВД у Літве.

Супрацоўнікі сістэмы УС сваімі акцыямі пратэсту падчас старшынства Літвы ў Радзе Еўрасаюза хочуць паўплываць на літоўскія ўлады, каб улады павялічылі фінансаванне праваахоўных органаў, забяспечылі сацыяльныя гарантыі службовых асоб, пачалі рэформу сістэмы праваахоўных органаў.

Паводле 15min.lt