Невядомыя дроны заўважаныя каля газавага радовішча ў Паўночным моры
Паліцыя Даніі выявіла невядомыя беспілотнікі непадалёк ад газавых платформаў. Кампаніі, якія займаюцца здабычай прыроднага газу, узмацнілі меры бяспекі, каб пазбегнуць дыверсій.
Паліцыя Даніі выявіла невядомыя беспілотнікі недалёка ад газавых платформаў каля дацкіх радовішчаў газу Halfdan B у Паўночным моры, паведамляе korrespondent.net
«Нацыянальная паліцыя можа пацвердзіць, што ў выходныя мы атрымлівалі паведамленні, што назіралі беспілотнікі ў Паўночным моры», — заявілі прадстаўнікі праваахоўных органаў.
Таксама паведамляецца, што кампаніі, якія займаюцца здабычай прыроднага газу, узмацнілі меры бяспекі, каб пазбегнуць дыверсій і магчымых надзвычайных сітуацый.
Еўрапейскія краіны апасаюцца, што пасля выбухаў у газаправодах «Паўночны паток» могуць здарыцца тэракты і на платформах у Паўночным моры.
Нагадаем, 26 верасня ў газаправодах «Паўночны паток» і «Паўночны паток-2»
зафіксавалі рэзкае падзенне ціску. На «Паўночным патоку» Данія і Швецыя выявілі
ўцечкі газу.