Допыт экс-прэзідэнта Украіны Януковіча перанеслі на 28 лістапада

Допыт былога прэзідэнта Украіны Віктара Януковіча ў рэжыме відэасувязі ў Растоўскім абласным судзе перанесены на 28 лістапада. Допыт перанесены з-за няяўкі абвінавачаных у будынак суда ў Кіеве.

Растоўскі абласны суд арганізаваў відэасувязь для правядзення допыту Януковіча Святошынскім раённым судом Кіева. Януковіч праходзіць сведкам па крымінальнай справе супраць пяцёх былых супрацоўнікаў спецпадраздзялення «Беркут», якіх абвінавачваюць у расстрэлах актывістаў Майдана ў лютым 2014 года. Тады загінулі больш за 100 чалавек, яшчэ больш за 600 прызнаныя пацярпелымі.
Допыт быў адкладзены, паколькі абвінавачаных не змаглі даставіць у Святошынскі суд Кіева: некалькі дзесяткаў актывістаў заблакавалі выезд з Лук'янаўскага СІЗА, дзе ўтрымліваюцца абвінавачаныя. 
Януковіч і яго адвакат выступалі супраць пераносу пасяджэння на некалькі дзён, прапаноўваючы адкласці допыт пры неабходнасці на некалькі гадзін.
Генеральная пракуратура Украіны ў цяперашні час расследуе восем злачынстваў, па якіх Януковіч праходзіць ужо падазраваным.
Сярод іншага яго падазраюць ва ўказанні і ўзгадненні прымянення празмерных мер, спецсродкаў і агнястрэльнай зброі да ўдзельнікаў масавых акцый пратэсту ў лістападзе 2013-лютым 2014 года.Як заяўляў начальнік упраўлення спецыяльных расследаванняў галоўнага следчага ўпраўлення генпракуратуры Украіны Сяргей Гарбацюк, па кожнай з васьмі спраў Віктар Януковіч абвешчаны ў вышук, украінскія ўлады таксама накіравалі дакументы ў Інтэрпол аб абвяшчэнні былога прэзідэнта ў міжнародны вышук.
Аднак Інтэрпол ухваліў запыт толькі ў рамках справы аб растраце сродкаў, выдзеленых на будаўніцтва тэлекамунікацыйнай лініі спецыяльнай сувязі на базе «Укртэлекома».Расійская Федэрацыя, дзе пасля ўцёку з Украіны знаходзіцца Віктар Януковіч, адмаўляе Украіне ў яго выдачы, бо лічыць  яго пераслед палітычным.
Паводле Бі-Бі-Сі