ЕС увёў санкцыі супраць удзельнікаў будаўніцтва Крымскага моста

ЕС унёс у санкцыйных спіс двух чалавек і чатыры юрыдычных асобы, якія ўдзельнічалі ў будаўніцтве Крымскага моста. Адпаведная пастанова размешчана на прававым партале ЕС.

У пастанове гаворыцца, што ЕС не прызнае ўваходжанне Крыма і Севастопаля ў склад Расіі, а будаўніцтва моста і чыгуначных шляхоў накіравана на «далейшую ізаляцыю паўвострава ад Украіны».
Раней, у сакавіку 2018 года, ЕС ужо ўвёў абмежаванні супраць шасці кампаній, якія ўдзельнічалі ў стварэнні Крымскага моста.
Будаўніцтва Крымскага моста, які злучыў Керчанскі паўвостраў з Таманскім, пачалося ў лютым 2016 года і цалкам завяршылася ў снежні 2019 года. Кошт праекта перавысіў 220 млрд расійскіх рублёў.
У сакавіку гэтага года кіраўнік Расіі Уладзімір Пуцін прысвоіў званне Герояў Працы заснавальніку «Стройгазмонтажа» Аркадзю Ратэнбергу і мантажніку філіяла «Мостотреста» Мікалаю Зайкову «за асаблівыя працоўныя заслугі ў будаўніцтве Крымскага моста». Розныя ўзнагароды таксама атрымалі іншыя супрацоўнікі арганізацый, што ўдзельнічалі ў будаўніцтве моста.
Паводле rbc.ru