Эстафета алімпійскага агню спыненая з-за COVID-19

На наступным тыдні ў Афінах агонь перададуць арганізатарам будучых Алімпійскіх гульняў у Японіі.

Эстафету алімпійскага агню спынілі з-за распаўсюджвання каронавіруса. Рашэнне прыняў Нацыянальны алімпійскі камітэт Грэцыі.

"Грэчаскі Алімпійскі камітэт у пятніцу вырашыў прыпыніць эстафету алімпійскага агню ў Грэцыі для абароны здароўя насельніцтва ад каронавіруса", — сказана ў публікацыі.

Эстафета алімпійскага агню пачалася ў Грэцыі 12 сакавіка пасля запальвання агню ў Старажытнай Алімпіі, а ў першы дзень агонь дабраўся да горада Каламата, а сёння — у Спарту.

Мясцовыя ўлады былі занепакоеныя тым, што на афіцыйную цырымонію перадачы агню пачалі сыходзіцца тысячы гледачоў.

Тады НАК па ўзгадненні з Міністэрствам аховы здароўя Грэцыі прыняў рашэнне аб адмене той часткі праграмы, што засталася.

Перадача алімпійскага агню Японіі, арганізатару Алімпіяды Токіо 2020,ы будзе праведзеная ў чацвер, 19 сакавіка, на стадыёне Панацінаікас у Афінах, без удзелу грамадскасці.

Паводле korrespondent.net