Ісламская дзяржава без кіраўніцтва
Міжнародная кааліцыя знішчыла трох камандуючых тэрарыстаў.
Пентагон заявіў, што за апошнія дні авіяцыя саюзнікаў правяла некалькі паспяховых налётаў.
У выніку авіяўдараў загінулі камандуючы вайсковымі аперацыямі ІД у Іраку Абд аль-Басіт, галоўны намеснік кіраўніка ісламістаў Хаджы Мутаз, а таксама камандзір сярэдняга ўзроўню Радвін Таліб. Ён камандаваў джыхадыстамі ў Масуле на поўначы Іраку.
Амерыканскія вайсковыя аналітыкі перакананыя, што ліквідацыя гэтых асобаў часова запаволіць дзейнасць арганізацыі.
Ісламская дзяржава паказала, што ў стане знаходзіць замену загінуўшым лідэрам, таму смерць высокапастаўленых камандзіраў не азначае смерць арганізацыі.
Паветраная аперацыя супраць Ісламскай дзяржавы пачалася 8 жніўня. У аперацыі бяруць удзел самалёты ЗША ды кааліцыі заходніх дзяржаў. За гэты час здзейснена больш за 600 налётаў.