Ізраіль гатовы спыніць аперацыю ў сектары Газа. Але ёсць умова

Армія абарона Ізраіля будзе гатовая спыніць ваенную аперацыю супраць тэрарыстаў «Ісламскага джыхаду» ў сектары Газа, калі яны спыняць ракетныя ўдары.

Міністр фінансаў Ізраіля Авігдор Ліберман. Фота: facebook.com/AvigdorLiberman

Пра гэта заявіў міністр фінансаў Ізраілю Авігдор Ліберман.

Паводле яго слоў, Ізраіль спыніць сваю ваенную кампанію толькі ў тым выпадку, калі тэрарыстычная групоўка спыніць свае ракетныя абстрэлы, адзначае БРК.

«Калі "Джыхад" абвесціць аб спыненні агню, мы таксама спынім агонь», — заявіў Ліберман.

Што тычыцца ліквідаванага кіраўніка «джыхадзістаў», то Ліберман адзначыў, што ён «быў не толькі бомбай запаволенага дзеяння, але і кіраваў бомбамі запаволенага дзеяння».

«Мы, вядома, не шукаем вайны або канфрантацыі, але мы не гатовыя жыць пад нечымі пагрозамі. Я спадзяюся, што гэта паведамленне было выразна пачутае», — дадаў міністр.


Нагадаем, за суткі з сектара Газа па Ізраілі выпусцілі каля 350 ракет. Большую частку з тых, якія пагражалі населеным пунктам, удалося збіць.

Сёння Егіпет прапанаваў арганізаваць перамір'е паміж Ізраілем і ісламістамі, але апошнія адмовіліся.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: