Японія распрацуе правілы для лятучых машын

Улады Японіі абвясцілі аб стварэнні савета па лётным дарожным транспарце, які на працягу бліжэйшых дзесяці гадоў павінен будзе выпрацаваць і ўвесці ў дзеянне правілы для лятучых аўтамабіляў. У гэты савет ўвайшла 21 кампанія, уключана з еўрапейскім канцэрнам Airbus, амерыканскім Boeing, а таксама Toyota, NEC, Cartivator, ANA Holdings, Japan Airlines і Uber Technologies.

У ліпені бягучага года ўрад Японіі аб’явіў пра намер актыўна развіваць грамадскі лятучы транспарт — лётныя аўтамабілі, здольныя перасоўвацца па дарогах агульнага карыстання і выконваць палёты на невялікай вышыні. Першыя палёты такіх машын у краіне запланаваны на 2020 год.
На першым этапе рэалізацыі плана лётныя аўтамабілі будуць выкарыстоўвацца падчас стыхійных бедстваў, а таксама для перасоўвання паміж населенымі пунктамі ў выпадку пашкоджання дарог. Такая практычная эксплуатацыя дапаможа паскорыць распрацоўку нарматыўнай базы для лятучых аўтамабіляў.
Улады Японіі мяркуюць, што выкарыстанне лятучых аўтамабіляў, а таксама аэратаксі дазволіць істотна скараціць колькасць затораў на дарогах і паскорыць пасажыраперавозкі. Першае пасяджэнне савета па лётным транспарце запланавана на 29 жніўня 2018 года.
У траўні мінулага года стала вядома, што японскі стартап Cartivator да Летніх Алімпійскіх і Паралімпійскіх гульняў у Токіа, якія адбудуцца ў 2020 годзе, распрацуе камерцыйную версію лятучай машыны SkyDrive. Распрацоўшчыкі маюць намер пабудаваць складаны квадракоптэр-электрамабіль, які зможа перасоўвацца па дарогах агульнага карыстання.
Максімальная хуткасць SkyDrive ў палёце складзе каля 100 кіламетраў у гадзіну і каля 150 кіламетраў у гадзіну — пры яздзе па дарозе. Распрацоўка SkyDrive вядзецца з 2012 года. Праект gадтрымлівае кампанія Toyota. Распрацоўшчыкі маюць намер правесці першы пілатуемы палёт прататыпа Skydrive да канца 2018 года.
Паводле nplus1.ru