Казкі прэзідэнта Пуціна: 10 ілжывых сцвярджэнняў пра Украіну

Дзяржаўны дэпартамент ЗША апублікаваў 5 сакавіка абвяржэнне 10 сцвярджэнняў, выказаных прэзідэнтам Расіі Уладзімірам Пуціным на прэс-канферэнцыі 4 сакавіка па сітуацыі ў Украіне.



Абвяржэнне размешчаны на сайце Дзярждэпа пад назвай «Казкі прэзідэнта Пуціна: 10 ілжывых сцвярджэнняў пра Украіну». «Такой хлусні, да якой звяртаецца Расія, каб апраўдаць свае незаконныя дзеянні ва Украіне, свет не бачыў з часоў дзіўных рускіх казак. Як пісаў Дастаеўскі, «Формула "два плюс два роўна пяці" не пазбаўленая сваёй прывабнасці», - адзначаецца ў тэксце.
Затым Дзярждэп прыводзіць 10 выказванняў Пуціна, якія «апраўдваюць расійскую агрэсію  ва Украіне», а потым факты, якія абвяргаюць выказванні расійскага прэзідэнта.
1 . Пуцін кажа: расійскія войскі ў Крыму толькі абараняюць расійскія ваенныя сілы. А інфраструктуру і ваенныя аб'екты ў Крыме захопліваюць «групы самаабароны грамадзян», а не расейскія войскі.
Факты: усе дадзеныя сведчаць аб тым , што супрацоўнікі расійскіх спецслужбаў знаходзяцца ў самым сэрцы антыўкраінскіх сіл у Крыме. Гэтыя людзі носяць уніформу без знакаў, але пры гэтым кіруюць транспартнымі сродкамі з расійскімі ваеннымі нумарамі і свабодна ідэнтыфікуюць сябе як рускія сілы бяспекі, адказваючы на пытанне міжнародных СМІ і ўкраінскіх вайскоўцаў. Больш за тое, гэтыя людзі маюць зброю, якая, як правіла, недаступная для грамадзянскіх асоб.
2 . Пуцін кажа: дзеянні Расеі адпавядаюць Дагавору аб дружбе 1997 году паміж Украінай і Расійскай Федэрацыяй.
Факты: пагадненне 1997 году патрабуе ад Расеі паважаць тэрытарыяльную цэласнасць Украіны. Ваенныя дзеянні Расеі ва Украіне, якія далі ім аператыўны кантроль над Крымам, з'яўляецца відавочным парушэннем тэрытарыяльнай цэласнасці і суверэнітэту Украіны.
3 . Пуцін кажа: апазіцыя не рэалізавала пагадненне ад 21 лютага з адхіленым украінскім прэзідэнтам Віктарам Януковічам.
Факты: у пагадненні ад 21 лютага выкладзены план, згодна з якім Вярхоўная Рада павінна прыняць законапраект, каб вярнуць Канстытуцыю 2004 года і ў адпаведнасці канстытуцыйную сістэму з цэнтрам ўлады ў парламенце. Згодна з умовамі пагаднення, Януковіч павінен быў падпісаць адпаведны заканадаўчы акт на працягу 24 гадзін. Аднак Януковіч адмовіўся гэта зрабіць. Замест гэтага ён спакаваў сваю маёмасць і ўцёк, пакінуўшы сведчанні шырокамаштабнай карупцыі.
4 . Пуцін кажа: урад Украіны нелегітымны. Януковіч, як і раней, з'яўляецца законным лідэрам Украіны.
Факты: 4 сакавіка сам Пуцін прызнаў той факт, што Януковіч «не мае будучыні». Пасля таго, як Януковіч збег з Украіны, нават яго ўласная Партыя рэгіёнаў паўстала супраць яго, прагаласавала за яго адхіленне ад пасады прэзідэнта і падтрымала новы Кабмін. Новы Кабмін Украіны быў зацверджаны дэмакратычна абраным украінскім парламентам - 371 голасам (82 % галасоў).
5 . Пуцін кажа: ва Украіне гуманітарны крызіс і сотні тысяч ўкраінцаў бягуць у Расею ў пошуках прытулку.
Факты: на сённяшні дзень няма абсалютна ніякіх доказаў гуманітарнага крызісу. Няма таксама ніякіх доказаў пра плынь бежанцаў, якія ратуюцца з Украіны ў Расеі. Міжнародныя арганізацыі правялі праверку на месцах, пагутарылі з украінскімі памежнікамі, таксама абверглі гэтыя сцвярджэнні. Незалежныя журналісты, якія былі на мяжы, не паведамілі пра плынь бежанцаў.
6 . Пуцін кажа: этнічныя рускія знаходзяцца пад пагрозай.
Факты: за выключэннем расійскай прэсы і расійскага дзяржаўнага тэлебачання, нідзе больш няма паведамленняў пра тое, што этнічныя рускія знаходзяцца пад пагрозай. Новы ўкраінскі ўрад паставіў прыярытэтам ўстанаўленне міру з самага пачатку. В.а. прэзідэнта Аляксандр Турчынаў адмовіўся падпісаць закон, які абмяжоўвае выкарыстанне рускай мовы на рэгіянальным узроўні. Этнічныя рускія і рускамоўныя грамадзяне падалі петыцыі, якія пацвярджаюць, што іх абшчыны не падвяргаліся пагрозам. Акрамя таго, пасля стварэння новага ўрада ў Кіеве усталявалася спакойнае становішча. Там няма ўсплёску злачыннасці, марадзёрства і ніякай помсты палітычным апанентам.
7 . Пуцін кажа: расійскія базы знаходзяцца пад пагрозай.
Факты: расійскія ваенныя аб'екты былі і застаюцца ў бяспецы, і новая ўкраінская ўлада абавязалася выконваць усе існуючыя міжнародныя пагадненні, у тым ліку тыя, якія тычацца расійскіх баз. А вось ўкраінскія базы ў Крыме знаходзяцца пад пагрозай з боку вайскоўцаў РФ.
8 . Пуцін кажа: ва Украіне былі масавыя напады на цэрквы і сінагогі ў паўднёвай і ўсходняй Украіне.
Факты: ўкраінскія рэлігійныя лідэры ў краіне заявілі, што не было ніводнага выпадку нападаў на цэрквы. Усе царкоўныя лідэры Украіны, у тым ліку прадстаўнікі Украінскай праваслаўнай царквы Маскоўскага патрыярхату, выказалі падтрымку новаму палітычнаму кіраўніцтву, паклікаўшы да нацыянальнага адзінства. Габрэйскія групы на поўдні і ўсходзе Украіны паведамляюць, што яны не зафіксавалі росту праяў антысемітызму.
9 . Пуцін кажа: Кіеў спрабуе дэстабілізаваць Крым.
Факты: часовы ўрад Украіны выступіў з заклікам да дыялогу. У той жа час расійскія войскі выйшлі за межы сваіх баз, каб захапіць палітычныя аб'екты і інфраструктуру ў Крыме. Урад у Кіеве неадкладна даслаў туды эмісараў, каб разрадзіць сітуацыю. Апошняга з пасланнікаў Пятру Парашэнку было забаронена ўваходзіць у крымскі парламент.
10 . Пуцін кажа: Рада знаходзіцца пад уплывам экстрэмістаў або тэрарыстаў.
Факты: Рада з'яўляецца найбольш прадстаўнічай арганізацыяй ва Украіне. Законы там прымаюцца пераважнай большасцю, у тым ліку з удзелам прадстаўнікоў Усходняй Украіны. Крайняе правае крыло ультранацыяналістычных груп, прадстаўнікі якіх прымалі ўдзел у адкрытых сутыкненнях з праваахоўнікамі падчас Еўрамайдану, у Радзе не прадстаўлены. Там няма ніякіх прыкмет, што ўкраінская ўлада будзе праводзіць дыскрымінацыйную палітыку, а, наадварот, яны публічна заявілі аб тым, што будуць дзейнічаць з дакладнасцю да наадварот».