Кіраўнік чэшскага хакею: «Не ўяўляю, як без падтрымкі Škoda можна правесці чэмпіянат»
Прэзідэнт чэшскай асацыяцыі хакею Томаш Крал пракамэнтаваў рашэнне Škoda Auto адмовіцца спансаваць чэмпіянат свету па хакеі, калі яго не перанясуць з Беларусі.
![247302.324_235.jpg 247302.324_235.jpg](/img/v1/images/247302.324_235.jpg?f=f&h=396&o=0&u=1715395350&w=528)
У інтэрвію чэшскаму тэлебачаньню Крал заявіў, што не ўяўляе, як можна было б фінансава даць рады чэмпіянату без падтрымкі Škoda Auto.
«Гэта маё меркаванне, хоць я не ведаю дакладных лічбаў», — сказаў Крал. Чэхія мае прымаць чэмпіянат свету па хакеі ў 2024 годзе.