Le Figaro: ЕC не ўвёў санкцыі супраць РФ, заблытаўшыся ў сітуацыі на ўсходзе Украіны

Камітэт пастаянных прадстаўнікоў Савета Еўрасаюза не прыняў канчатковае рашэнне з нагоды ўвядзення санкцый супраць Расіі з-за сітуацыі ва Украіне.



Як паведамляе французская газета Le Figaro са спасылкай на ўласныя крыніцы ў Брусэлі, канчатковае рашэнне аб тым, ці патрэбныя новыя санкцыі ў дачыненні да РФ, будзе прынята, як чакаецца, пазней у ліпені. Зараз жа члены камітэта вырашылі «паскорыць падрыхтоўку санкцый». 
Гаворачы аб тым, па якой прычыне пытанне аб санкцыях не вырашана ўжо цяпер, суразмоўца газеты растлумачыў, што члены камітэта «вырашылі дадаткова паназіраць за сітуацыяй (ва Украіне)». 
«Сітуацыя на месцы падзей выглядае заблытанай», - дадаў ён. 
У аўторак, 1 ліпеня, камітэт пастаянных прадстаўнікоў Савета ЕС прыступіў да ацэнкі сітуацыі ва ўсходняй Украіне і выканання Расіяй патрабаванняў Еўрасаюза, вылучаных на мінулым тыдні кіраўнікамі дзяржаў і ўрадаў. 
30 чэрвеня скончыўся час ультыматуму Еўрасаюза да расійскіх уладаў па стабілізацыі сітуацыі на Усходзе Украіны, аднак з еўрапейскага боку ніякіх дзеянняў не было.
nvua.net