Македонія. Нікола Груеўскі перайменуе краіну

Прэм’ер Рэспублікі Македонія можа пачаць працэс перайменавання краіны. Так сцвярджае прэса, аналізуючы шансы Македоніі ў пяты раз дабіцца ад Брусэля пачатку перамоваў аб прыняцці краіны ў склад ЕС.



Рашэнне, якое павінна быць прынятае на днях, перш за ўсё залежыць ад пазіцыі Грэцыі, якая раней ужо неаднаразова блакавала працэс еўраінтэграцыі Македоніі. Прычына старая — у Афінах мяркуюць, што Македонія не мае нічога агульнага з сапраўднай Македонія, якая знаходзіцца на тэрыторыі Грэцыі.

У такой сітуацыі Груеўскі, быццам, прапанаваў грэкам кампраміс. Калі грэкі падтрымаюць Македонію ў Еўракамісіі, яго край будзе называцца Горная Македонія.

Ці пагодзяцца ў Афінах на такі варыянт, пакуль цяжка сказаць. Зразумела толькі адно: пошукі кампрамісу ўжо прывялі да росту нацыяналістычных настрояў у самой Македоніі.

Самае цікавае, што згода грэкаў можа абудзіць геапалітычныя апетыты ў суседняй Балгарыі. Балгары гатовыя прабачыць македонцам тое, што трэцяя частка гістарычнай Македоніі знаходзіцца на тэрыторыі Балгарыі, аднак намякаюць, што македонцы павінны прызнаць сябе балгарамі.