Малдова. Скандал з-за крыжа на дзяржаўным сцягу

У Малдове разгарэўся скандал у сувязі са скажэннем дзяржаўнага сцяга, вывешанага падчас візіту прэзідэнта Ігара Дадона ў Іран.

Малдоўскі лідар, які з'яўляецца і прэзідэнтам Федэрацыі шахмат рэспублікі, у мінулую пятніцу прымаў удзел у цырымоніі адкрыцця чэмпіянату свету па шахматах сярод жанчын у Іране. За спіной прэзідэнта быў усталяваны дзяржаўны сцяг Малдовы. На гербе, намаляваным на сцягу, адсутнічала выява крыжа ў дзюбе арла, а таксама скіпетра. Адразу пасля цырымоніі Дадон вывесіў фатаграфіі на сваёй старонцы ў фэйсбуку.
Шэраг СМІ звярнуў увагу на скажэнне герба. Журналісты абвінавацілі кіраўніка дзяржавы ў прафанацыі афіцыйных сімвалаў, нагадаўшы, што Дадон перамог на нядаўніх прэзідэнцкіх выбарах пад лозунгамі пра абарону праваслаўя і хрысціянскіх каштоўнасцяў.
Прапразідэнцкія СМІ запярэчылі, што прэзідэнт ніякага дачынення да гэтага не мае, бо за ўсё адказвае прымаючы бок.
"З меркаванняў паліткарэктнасці кіраўніцтва мусульманскіх краін прыбірае са сцягоў іншых дзяржаў крыжы і іншыя хрысціянскія сімвалы. Гэта практыкуецца ў многіх дзяржавах, якія вызнаюць іслам, і, натуральна, прэзідэнт ніякага дачынення да гэтай практыкі не мае", — адзначае, у прыватнасці, прапрэзідэнцкі партал "Блакнот-Малдова".
Выданне паведамляе, што аналагічную карціну можна было назіраць і на цырымоніі адкрыцця афіцыйнага консульства Малдавіі ў Анталіі. На фатаграфіі, апублікаванай на сайце міністэрства замежных спраў і еўрапейскай інтэграцыі, відаць, што крыжа ў дзюбе арла таксама няма.
У спрэчку ўмяшаўся Дадон, які ў каментары да свайго пасту ў сацыяльнай сетцы абяцаў ва ўсім разабрацца.
"За сцяг падчас візіту адказвае не прэзідэнт, а краіна, якая прымае. Як правіла, гэтым пытаннем займаецца амбасада, а ў Малдову няма амбасады ў Тэгеране. Разбярэмся. У мяне будзе сустрэча з прэзідэнтам Ірана. Калі ў іх не апынецца сапраўднага дзяржаўнага сцяга Рэспублікі Малдова, я буду настойваць на тым, каб гэты быў зняты", — напісаў Дадон.
Паводле www.interfax.ru