Намеснік кіраўніка місіі АБСЕ ва Украіне: мінскі працэс можа быць спынены

Калі баевікі працягнуць адкрываць агонь па патрулям спецыяльнай маніторынгавай місіі (СММ) АБСЕ, мінскі працэс будзе спынены. Такое меркаванне на брыфінгу выказаў намеснік кіраўніка місіі АБСЕ ва Украіне Аляксандр Хуг. 



«Калі кіраўніцтва тых, хто здзяйсняе атакі супраць назіральнікаў АБСЕ працягне так паступаць, яны абсалютна згубяць давер. А калі яны страцяць давер, мінскі працэс спыніцца, мы не зможам выконваць сваю працу і нармалізацыі абстаноўкі не будзе», — заявіў ён.

У той жа час, Хуг выказаў упэўненасць, што АБСЕ ва Украіне працягне выконваць сваю працу настолькі, «наколькі магчыма праводзіць місію з бяззбройнымі назіральнікамі», перадае карэспандэнт ЛІГА.net.

«ДНР і ЛНР павінны дазволіць СММ рабіць сваю працу. На мінулым тыдні 21 раз нашае права на перамяшчэнне было абмежавана. І гэта было зроблена так званымі ДНР і ЛНР. Ад іх мы занадта часта чуем, што іх не праінфармавалі», — дадаў намеснік кіраўніка СММ .

Хуг таксама запатрабаваў гарантый таго, што падобныя інцыдэнты больш не паўторацца.

«Нейкіх выбачэнняў недастаткова, нам патрэбныя эфектыўныя сродкі абароны правоў і гарантыі, што больш не будзе гвалту супраць бяззбройных назіральнікаў, а таксама не будзе перашкод іх дзейнасці», — падкрэсліў ён.

Нагадаем, 16 студзеня ў Мар’інцы на лініі размежавання снайпер прарасійскіх баевікоў абстраляў аўтамабіль патруля АБСЕ.