Невядомыя пабілі машыны польскім валанцёрам-медыкам, якія дапамагаюць мігрантам

Пацярпела арганізацыя «Medycy na granicy».

«Сёння ноччу [у Польшчы] невядомыя пашкодзілі пяць легкавых аўтамабіляў, якія належалі дзяжурным членам нашай каманды і рэжысёрам-дакументалістам, якія суправаджалі медыкаў. Былі прабітыя шыны, выбітыя шыбы і ліхтары, пашкоджаны кузаў аўтамабіля. Справу расследуе мясцовая паліцыя.

Наша хуткая дапамога працуе, дзяжурства працягваецца. Мы гатовыя дапамагаць людзям, якім мы будзем патрэбныя. Заменім шкло і люстэркі, гэта толькі матэрыяльныя страты, самае галоўнае для нас – гэта магчымасць дапамагчы і абараніць здароўе і жыццё», — паведамілі пацярпелыя ў Facebook.
«Medycy na granicy» (Медыкі на мяжы) – людзі з медычнай адукацыяй, якія жадаюць дапамагчы мігрантам і бежанцам на польска-беларускай мяжы.