Нідэрланды разаслалі праект справаздачы пра крушэнне MH17
Чарнавік справаздачы высланыя прадстаўнікам сямі краін, уцягнутых у расследаванне катастрофы. Канчатковы варыянт справаздачы будзе гатовы да кастрычніка.
Камісія, якая займаецца крушэннем Boeing 777 авіякампаніі Malaysia Airlines над тэрыторыяй Украіны, падрыхтавала першы варыянт справаздачы, які быў разасланы ўсім бакам, уцягнутым у расследаванне. Чакаецца, што яны накіруюць камісіі свае заўвагі.
Нідэрландскі савет па бяспецы не абвясціў падрабязнасці справаздачы, аднак паведаміў, што адправіў ўсе матэрыялы прадстаўнікам Малайзіі, Украіны, Расіі, ЗША, Вялікабрытаніі, Аўстраліі і Нідэрландаў. Каментары ад іх будуць прымацца на працягу 60 дзён. Канчатковы варыянт справаздачы чакаецца ў першай палове кастрычніка.
Рэйс MH17, які накіроўваўся з Амстэрдама ў Куала-Лумпур, пацярпеў крушэнне 17 ліпені 2014 года. На борце былі 298 чалавек, ні аднаму з іх не ўдалося выратавацца. Эксперты мяркуюць, што Boeing, хутчэй за ўсё, быў збіты ў выніку ракетнага ўдару. У Кіеве заяўляюць, што ў самалёт трапіла ракета класа "зямля-паветра", выпушчаная з тэрыторыі так званай ДНР. Мінабароны РФ заяўляе, што адказнасць за катастрофу ляжыць на УС Украіны.