Папа Францішак адслужыў у Тбілісі імшу на амаль пустым стадыёне

Папа рымскі Францішак, які прыехаў у Грузію з візітам, адслужыў імшу на амаль пустым стадыёне: Грузінская праваслаўная царква параіла сваім вернікам не прымаць удзел у рыма-каталіцкім набажэнстве.
Здымак Reuters

Здымак Reuters


На стадыён змяшчальнасцю 25 тысяч чалавек прыйшло ўсяго каля 3 тысяч жыхароў Грузіі, перадае ВВС.

Паводле афіцыйных звестак, у гэтай краіне жыве меней за адсотак католікаў.

Дэлегацыя Грузінскай праваслаўнай царквы павінна была прыйсці на імшу, аднак у выніку не стала ў ёй удзельнічаць. Пры гэтым набажэнства наведаў прэзідэнт Грузіі Георгій Маргвелашвілі.

За два дні да прыезду пантыфіка, патрыярх грузінскай праваслаўнай царквы Ілля ІІ выпусціў заяву, паводле якой праваслаўныя не могуць наведваць каталіцкія набажэнствы з-за розніцы ў дактрынах, якія ідуць яшчэ ад расколу ў 1054 годзе. Пры гэтым патрыярхія назвала непрымальнымі негатыўныя публічныя заявы духоўных асобаў пра пантыфіка.

У пятніцу папу Францішка сустрэлі ў Тбілісі акцыяй пратэсту. Актывісты трымалі плакаты на грузінскай і англійскай мовах: «Ватыкан — духоўны агрэсар», «Трымайся падалей ад Грузіі, антыхрыст».

Паводле «Еўрарадыё»

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: