Пасол Украіны пры ЕС заклікае ўвесці трэці этап санкцый супраць Расіі

«Украінцы з цяжкасцю разумеюць, што яшчэ павінна здарыцца, каб выклікаць новую хвалю санкцый супраць Расіі», — падкрэсліў пасол.



Канстанцін Елісееў
Пасол Украіны пры ЕС Канстанцін Елісееў адзначае актыўны ўдзел Расіі ў баявых дзеяннях на ўсходзе Украіны. 
"З моманту пачатку пагроз з боку Захаду мы ўжо бачылі захоп у закладнікі назіральнікаў ад АБСЕ і дзяцей пры папушчальніцтве маскоўскіх уладаў, і перасячэнне  ўкраінскіх межаў шматлікімі грузавікамі, поўнымі баевікоў і зброі, а таксама некалькімі танкамі з расійскай тэрыторыі без якога-небудзь ўмяшання з боку расійскіх памежнікаў. Нарэшце, знішчэнне ўкраінскага транспартнага самалёта ІЛ-76, што прывяло да смерці 49 чалавек, і на што так і не было афіцыйных спачуванняў з боку Расійскай Федэрацыі ", - адзначаецца ў яго лісце ў "Financial Times", апублікаваным у сераду. 
Украінскі пасол нагадаў аб нядаўняй анэксіі Расіяй Крыма, а таксама аб выкарыстанні Масквой энергарэсурсаў як інструмента эканамічнага ціску на Кіеў.
На думку К. Елісеева, усе гэтыя дзеянні Расіі накіраваны на тое, каб не дапусціць падпісання Пагаднення аб асацыяцыі паміж Украінай і ЕС. 
"Гэты новы тып вайны з'яўляецца выклікам для ўсёй сістэмы еўрапейскіх каштоўнасцяў і сусветнага парадку. З гэтага пункту гледжання суверэнітэт Украіны павінен быць абаронены і гарантаваны. Нам трэба адзінства ЕС і салідарнасць, нягледзячы на актыўныя спробы Масквы падарваць іх", - падкрэсліў пасол Украіны пры ЕС.
Інтэрфакс-Украіна