Польшча гатовая вылучыць грошы на вяртанне іракскіх мігрантаў з Беларусі на радзіму

Польскі прэм'ер Матэуш Маравецкі заявіў аб гатоўнасці Варшавы фінансаваць вяртанне мігрантаў на радзіму.

Па словах палітыка, Варшава гатовая супрацоўнічаць па гэтым пытанні, калі Лукашэнка «праявіць добрую волю».
«Мы адразу распазнаем гэты станоўчы сігнал і будзем супрацоўнічаць па фінансаванні вяртання мігрантаў на радзіму ў Ірак і іншыя краіны», — сказаў кіраўнік польскага ўрада.
Прэм'ер-міністр дадаў, што ЕС таксама павінен браць удзел у вырашэнні міграцыйнага крызісу.