Прэс-сакратар Парашэнкі: у Данбасе загінуў 2081 грамадзянін Расіі

Прэс-сакратар прэзідэнта Украіны Святаслаў Цаголка апублікаваў у "Твітэры" спасылку на спіс грамадзян Расіі, нібыта якія загінулі ў ходзе ўзброенага канфлікту ў Данбасе, складзены
добраахвотніцкай групай "Груз 200 з Украіны ў Расію".



У спісе значыцца 2081 чалавек — яны пералічаны ў алфавітным парадку, у большасці пазначаны імя, імя па бацьку, прозвішча, даты нараджэння і смерці (у некаторых — прыблізна), у шматлікіх — пазыўны, родны горад, часам — воінскае званне, нумар воінскага падраздзялення, месца гібелі або пахавання.
 
 
"Груз 200" штомесяц публікуе новую рэдакцыю гэтага спісу ў "Фэйсбуку", аднак афіцыйны Кіеў на дадзеныя валанцёраў спаслаўся ўпершыню. Аператыўна праверыць гэтыя дадзеныя ў незалежных крыніц не ўяўляецца магчымым.
 
 
Праз некалькі гадзін спасылка ў твіты Цаголкі перастала працаваць, аднак спіс па-ранейшаму даступны на старонцы валанцёраў ў "Фэйсбуку".
 
 
У прэс-службе Міністэрства абароны Расіі рускай службе Бі-бі-сі адмовіліся каментаваць гэтую публікацыю, спаслаўшыся на выходны дзень, аднак з самага пачатку ўзброенага канфлікту на ўсходзе Украіны Масква паслядоўна адхіляла ўсе абвінавачванні ў тым, што там ваююць кадравыя расійскія вайскоўцы.
 
 
Раней, 29 лютага, Міністэрства замежных спраў Украіны заявіла, што "з моманту пачатку агрэсіі" на ўсходзе краіны загінула 2600 служачых ўкраінскай арміі, звыш 9000 атрымалі раненні. За месяц да гэтага прэзідэнт краіны Пётр Парашэнка ацэньваў колькасць загінулых у Данбасе ўкраінскіх вайскоўцаў у 2269.
 
 
Кіеў абвінавачвае Расію ў падтрымцы ўзброеных прыхільнікаў самаабвешчаных рэспублік у Данбасе, Масква абвяргае гэтыя абвінавачванні.
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: