Прэзідэнт ЗША Джо Байдэн падпісаў закон аб лэнд-лізе для Украіны

Гэта другі ў гісторыі закон аб лэнд-лізе.

Прэзідэнт ЗША Джо Байдэн падпісаў закон аб лэнд-лізе для Украіны, паведамілі ў Белым доме.
Дакумент пад назвай «Закон аб лэнд-лізе ў абарону дэмакратыі на Украіне 2022 года» быў унесены ў Кангрэс яшчэ да пачатку расійскага ўварвання ва Украіну, у студзені гэтага года.
Як сказана ў законапраекце, прэзідэнт ЗША «можа ўпаўнаважыць урад прадастаўляць у пазыку або даваць у арэнду сродкі абароны Украіне і іншым краінам Усходняй Еўропы, якія пацярпелі ад уварвання Расіі ва Украіну, каб дапамагчы ўмацаваць абараназдольнасць гэтых краін і абараніць грамадзянскае насельніцтва ад патэнцыйнага нападу або агрэсіі, якая працягваецца з боку Расіі».