Расія. Абвінавачванне просіць за лоўлю пакемонаў у царкве 3,5 года

Пракурор просіць 3,5 года пазбаўлення волі ў калоніі агульнага рэжыму для відэаблогераа з Екацярынбурга Руслана Сакалоўскага, які лавіў пакемонаў у храме.

Абвінавачванне лічыць, што падсудны вінаваты ў распальванні нянавісці, абразе пачуццяў вернікаў, а таксама ў незаконным абароце спецыяльных тэхнічных сродкаў.

На судзе блогер віну не прызнаў.

У жніўні 2016 года Сакалоўскі размясціў у інтэрнэце ролікі, у адным з якіх гуляў у кампутарную гульню Pokemon Go ў Храме-на-Крыві ў цэнтры Екацярынбурга, а ў іншых крытычна выказваўся аб Рускай праваслаўнай царквы і клерыкалізацыі расійскага грамадства.

У верасні блогера затрымалі паводле абвінавачвання ў абразе пачуццяў вернікаў і распальванні рэлігійнай варожасці.

Падставай для яго крымінальнай справы паслужыла экспертыза дзевяці ролікаў, уключаючы відэа з гульнёй у храме.

За час следства Сакалоўскі двойчы заключаўся ў СІЗА, але абодва разы абароне ўдавалася дамагчыся пераводу кліента пад хатні арышт.

Екацярынбургскі Храм-Помнік на Крыві ў імя Усіх святых, у зямлі Расійскай прасіялых, — адзін з найбуйнейшых праваслаўных храмаў Расіі, пабудаваны на месцы, дзе ў 1918 годзе былі расстраляныя апошні расійскі імператар Мікалай II і яго сям'я.

Гульня Pokemon Go, створаная кампаніяй Niantic, выйшла ў пачатку ліпеня 2016 года і хутка стала папулярнай. У ходзе гульні карыстальнікі даюць праграме доступ да камеры свайго тэлефона, а яна дамалёўвае да рэальных ландшафтаў выявы пакемонаў, якіх трэба лавіць.

Паводле ВВС