Расія байкатуе сустрэчу Рады Бяспекі ААН з камітэтам бяспекі ЕС

Расія будзе байкатаваць пасяджэнне Рады Бяспекі ААН з удзелам камітэта ЕС па палітычных пытаннях і бяспецы 4 траўня.


Гэта, як паведамляе AP са спасылкай на дыпламатычныя крыніцы, з'яўляецца яшчэ адной прыкметай рэзкага пагаршэння стасункаў Расіі з краінамі-чальцамі ААН.

Рашэнне Масквы звязана з вайной ва Украіне. У той жа час гэта першы байкот РФ у ААН з пачатку поўнамаштабнай агрэсіі 24 лютага, адзначае АФН.

Камітэт ЕС па пытаннях палітыкі і бяспекі адказвае за яго агульную знешнюю палітыку і палітыку ў сферы бяспецы.

На прэс-канферэнцыі ў аўторак пастаянны прадстаўнік ЗША ў ААН Лінда Томас-Грынфілд заявіла, што з канца лютага ўдалося дамагчыся "выключных поспехаў" у «ізаляцыі Расіі».

«Расія ізаляваная ў Радзе Бяспекі, і кожны раз, калі ў нас у Радзе Бяспекі будзе абмеркаванне таго, што тычыцца Расіі, мы будзем утрымліваць іх у ізаляцыі да таго часу, пакуль яны не спыняць свае жорсткія атакі на Украіну, на людзей», — сказала Томас-Грынфілд.

Раней Генеральная Асамблея ААН прагаласавала за адхіленне Расіі ад Савета па правах чалавека. За гэты крок прагаласавалі 93 краіны, супраць — 24, 58 устрымаліся.

У ЗША адзначылі, што Расія злоўжывала сваім правам вета «цягам апошняга дзесяцігоддзя».

«Вета не было задумана як карт-бланш для беспакаранасці пастаянных членаў Савета Бяспекі. Гэта не прызначалася для аўтаматычнай абароны ад адказнасці навечна. Расія прынізіла ролю і рэпутацыю Рады Бяспекі ААН... і запляміла ААН у цэлым», — адказаў намеснік пастаяннага прадстаўніка ЗША ў ААН Рычард Мілс-малодшы.

28 красавіка Парламенцкая асамблея Савета Еўропы выказала поўную падтрымку ўсім намаганням па расследаванні міжнародных злачынстваў РФ ва Украіне, і выступіла за стварэнне міжнароднага трыбунала.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: