Расійскую нафту таемна скупляюць кітайскія НПЗ?

Некаторыя азіяцкія імпарцёры абыходзяць традыцыйныя шляхі доступу да таннай расійскай нафты.

Прыватныя нафтаперапрацоўчыя заводы Кітая "таемна" скупляюць расійскую нафту, піша Financial Times.

Прадстаўнік такога завода ў Шаньдун заявіў выданню, што з моманту пачатку вайны ва Украіне ён не паведамляў публічна аб здзелках з расійскімі пастаўшчыкамі нафты, каб "не прыцягваць увагі і не патрапіць пад санкцыі ЗША".

Ён дадаў, што НПЗ узяў на сябе частку квоты на закупку расійскай нафты ў дзяржаўных гандлёвых фірмаў, якія ў асноўным адмаўляюцца падпісваць новыя кантракты на пастаўку.

"Пакупкі ў незалежных кітайскіх нафтаперапрацоўчых заводаў паказваюць, як некаторыя імпарцёры абыходзяць традыцыйныя шляхі доступу да таннай расійскай нафты і дапамагаюць Пекіну заставацца ў ценю, пакуль Захад накладае на Маскву санкцыі", — піша газета.

У сваю чаргу, тэлеканал NDTV паведамляе, што Індыя хоча купляць у Расіі нафту менш чым $ 70 за барэль, каб кампенсаваць рызыкі, звязаныя з санкцыямі. Цяпер кошт расійскай нафты маркі Urals складае $79.

Паводле korrespondent.net