Расійская журналістка Яўгенія Альбац — пра Пуціна ў Пекіне: Стары, хворы, бясконца стомлены чалавек

Вядомая расійская журналістка Яўгенія Альбац падзялілася назіраннямі аб прысутнасці Уладзіміра Пуціна на цэрэмоніі адкрыцця Алімпійскіх гульняў у Пекіне.

— Стары, хворы, бясконца стомлены чалавек — такім мы ўбачылі Уладзіміра Пуціна на адкрыцці Алімпіяды ў Пекіне, — сказала Яўгенія Альбац у эфіры «Эха Москвы». — Так уласна гэта і бывае. Быў цар, і ўсе казалі: гэта цар, гаспадар, тата. І раптам цар увесь выйшаў. Застаўся стомлены пажылы чалавек.

Інтэрнэт абышла фатаграфія: Пуцін у поўнай адзіноце сядзіць у сектары, на якім таблічка з яго імем. У атачэнні пустых чырвоных крэслаў. Ззаду яго на крэслах нейкія пакеты ці то з маскамі, ці то з бахіламі. Справа і злева за пластыкавымі агароджамі сектара людзі ў масках. Пуцін, здаецца, адзіны на ўсім стадыёне быў без маскі. Быў у нейкім вясковага крою чорным паліто. З чорным кофрам, грэлкай на нагах. Гаворачая фатаграфія.

У трансляцыі дзяржаўнага канала «Расія-1» Пуціна не паказалі. Каментатары бясконца казалі пра сябе любімых. Рэкламавалі свае Instagram і блогі, пазбаўлялі гледачоў самай элементарнай інфармацыі пра каманды, якія ішлі па полі Пекінскага стадыёна. Але нават калі прыйшла чарга каманды Расіі, з каментароў было зусім незразумела, ці ёсць на трыбунах Пуцін ці яго няма, вітаў ён сваю каманду або праспаў. Камера гэта нічога не паказала.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: