Расію пазбавілі сяброўства ў Міжнароднай тэніснай федэрацыі

Пытанне аб адхіленні асобных спартсменаў будзе абмяркоўвацца ў будучыні.
Расійскую і беларускую федэрацыі тэніса выключылі з Міжнароднай тэніснай федэрацыі (ITF), паведамілі напярэдадні ў Федэрацыі тэніса Украіны, якая паставіла гэтае пытанне на пазачарговую канферэнцыю ITF.

У выніку таемнага галасавання 80% дэлегатаў канферэнцыі выказаліся ў падтрымку выключэння расійскай і беларускай тэніснай федэрацый, піша «Інтэрфакс».

«Пытанне аб адхіленні асобных спартсменаў будзе абмяркоўвацца ў будучыні», — заявілі ва ўкраінскай арганізацыі.

У красавіку тэнісістам з Расіі і Беларусі было забаронена ўдзельнічаць у турніры Вялікага шлема ва Уімблдоне ў 2022 годзе. У траўні другая ракетка свету Данііл Мядзведзеў атрымаў wild card (адмысловае запрашэнне) для ўдзелу ў турніры Gonet Geneva Open у Швейцарыі.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: