СБУ выкрыла расійскую агентуру ва ўкраінскім урадзе

Служба бяспекі Украіны выкрыла расійскую агентуру, у якую ўваходзілі службовыя асобы Кабміна і Гандлёва-прамысловай палаты. Пра гэта паведамляе прэс-служба СБУ ў Telegram.

У выніку шматэтапнай спецаперацыі ў Кіеве быў затрыманы загадчык аддзела Сакратарыята Кабінета міністраў і кіраўнік адной з дырэкцый ГПП.

«Гэтыя чыноўнікі перадавалі ворагу розную выведінфармацыю: ад стану абараназдольнасці да ўладкавання дзяржаўнай мяжы і персанальных дадзеных украінскіх праваахоўнікаў», — гаворыцца ў паведамленні.

Расійскія куратары плацілі здраднікам ад 2 да 15 тысяч долараў у залежнасці ад узроўню сакрэтнасці і важнасці сабраных звестак.

Следчыя СБУ паведамілі абодвум зламыснікам аб падазрэнні ў здзяйсненні злачынства па арт.111 (дзяржаўная здрада) Крымінальнага кодэкса.

Суд выбраў ім меру стрымання ў выглядзе ўтрымання пад вартай.

Паводле unian.net.