У Херсоне загінуў вязень, бо СІЗА захапілі рускія вайскоўцы і распачалі там страляніну.

У Херсонскай СІЗА загінуў зняволены, у ізалятар уварваліся расійскія акупацыйныя войскі.

ljudmila_dzjanisava.jpg

Пра гэта паведаміла ў сваім тэлеграм-канале упаўнаважаная Вярхоўнай Рады Украіны па правах чалавека Людміла Дзянісава.

Паводле яе звестак, гэта адбылося ўвечары 11 траўня. Вайскоўцы, якія ўварваліся ў ізалятар, стралялі з аўтаматаў і кідалі светлашумавыя гранаты, распавяла Дзянісава са спасылкай на работнікаў СІЗА.

Напярэдадні агенцтва УНІАН паведамляла, што расійскія вайскоўцы ў СІЗА шукалі пэўных падсудных і выкралі іх.

Дзянісава ўдакладняе, што таксама выкрадзены начальнік ізалятара, а супрацоўнікі напісалі рапарты аб звальненні, бо адмовіліся падпарадкоўвацца акупацыйным войскам РФ.

"Цяпер установа знаходзіцца пад кіраўніцтвам калабаранта Яўгена Собалева, які пагадзіўся ўзначаліць пенітэнцыярную сістэму ў Херсонскай вобласці", — напісала ўпаўнаважаная.