У Іерусаліме здзейсненыя два тэракты за суткі. Сярод ахвяраў ёсць украінец

Палестынскі стралок расстраляў людзей каля сінагогі ў Іерусаліме. Першы тэракт адбыўся ўвечары 27 студзеня пасля вечаровай малітвы, другі — раніцай 28 студзеня. Сярод ахвяр тэрарыстычнай атакі, якая адбылася ў пятніцу, ёсць украінскі грамадзянін.

За апошнія суткі ў Іерусаліме адбыліся два тэрарыстычныя акты. У першым выпадку, паводле паведамлення Reuters, палестынскі стралок забіў семярых і параніў яшчэ трох людзей каля сінагогі на ўскраіне Іерусаліма. Мужчына адкрыў агонь, патрапіўшы ў некалькі чалавек перад тым, як яго застрэліла паліцыя.

«Мы прыбылі на месца вельмі хутка, і гэта было жудасна. Параненыя людзі ляжалі на вуліцы», — паведаміў прадстаўнік ізраільскай службы хуткай дапамогі Шымон Алфасі.

У другім выпадку ізраільская паліцыя заявіла, што 13-гадовы палестынец стрэліў і параніў двух чалавек у Іерусаліме. Ізраільскія ўлады назвалі гэта напад чарговым тэрарыстычным актам у горадзе.

Пазней выявілася, што сярод ахвяр трагедыі ёсць грамадзянка Украіны.

Пра гібель суайчынніцы паведаміла пасольства Украіны ў Ізраілі ў сацсетцы. «З сумам паведамляем, што сярод нявінных ахвяр ёсць грамадзянін Украіны», — праінфармавалі ў дыпведамстве.

Дыпламаты выказалі глыбокія спачуванні сем'ям загінулых і моляцца за поўнае выздараўленне параненых.

Таксама спачуванні ў сувязі з тэрарыстычнымі нападамі ў Іерусаліме выказаў прэзідэнт Украіны Уладзімір Зяленскі.

«Падзяляем боль народа Ізраіля з-за тэрактаў у Іерусаліме. Сярод ахвяраў — украінка. Шчырыя спачуванні родным загінулых. Злачынствы цынічна здзейсненыя, у прыватнасці, у Міжнародны дзень памяці ахвяр Халакосту. Тэрору не павінна быць месца ў сучасным свеце. Ні ў Ізраілі, ні ва Украіне», — напісаў Зяленскі ў твітары.

У Ізраілі часта адбываюцца тэракты з удзелам палестынцаў. Так, 21 лістапада 2021 года баявік палестынскага руху ХАМАС адкрыў агонь у Старым горадзе. У выніку адзін чалавек загінуў, чацвёра атрымалі раненні. Пры гэтым паліцыянты адкрылі агонь і ліквідавалі стралка.

Магутныя выбухі прагрымелі 23 лістапада 2022 года — на аўтобусным прыпынку і на скрыжаванні ў Іерусаліме. Праваахоўнікі тады заявілі аб падвойным тэракце.

Паводле unian.net.