У музеях Ватыкана падчас прыборкі знайшлі карціны Рафаэля
Дзве карціны былі напісаныя перад смерцю геніяльнага мастака Рафаэля Санці.
У музеях Ватыкана былі выяўленыя падчас прыборкі два палатна геніяльнага італьянскага мастака Рафаэля Санці, напісаныя незадоўга да яго смерці, перадае CNN. Узрост карцін складае каля 500 гадоў.
"Гэта неверагоднае пачуццё. Ведаючы, што гэта, верагодна, апошнія творы, якія ён напісаў, ты амаль адчуваеш прысутнасць майстра", — адзначыў галоўны рэстаўратар Ватыкана Фаіё Пьячэнціні.
На карцінах намаляваны жанчыны, якія ўвасабляюць Сяброўства і Правасуддзе. Захаваліся яны на сценах аднаго з пакояў Музеяў, дзе не так даўно пачалі праводзіць прыборку.
Чакаецца, што поўная рэстаўрацыя карцін Рафаэля ў памяшканні завершыцца да 2022 года. Сума, якую запланавалі вылучыць дзеля гэтых мэтаў, складае 2,7 мільёна еўра.