У расійскім Прымор'і анулявалі скандальныя выбары

Кіраўнік ЦВК Расіі Эла Памфілава прапанавала прызнаць выбары ў Прымор'і несапраўднымі.

«Я прапаную рэкамендаваць камісіі Прыморскага краю прызнаць вынікі выбараў несапраўднымі», — сказала Памфілава на пасяджэнні ЦВК.
Пры гэтым кіраўнік Цэнтрвыбаркама удакладніла, што нават той аб'ём дадзеных, якія ўжо мае ЦВК, дазваляе прыняць рашэнне не адкладаючы.

16 верасня ў Прымор'і адбыўся другі тур губернатарскіх выбараў. На іх напачатку упэўнена лідзіраваў кандыдат ад КПРФ Андрэй Ішчанка — пасля апрацоўкі 95% пратаколаў з выбарчых участкаў ён набіраў 51,6%, а яго супернік ад «Адзінай Расіі» Андрэй Тарасенка — 45,8%.
Кіраўнік ЦВК адзначыла, што на працягу абодвух тураў кампанія ішла празрыста і арганізавана, не лічачы асобных фактаў парушэнняў. «Усё было нармальна да пэўнага моманту. Як вы ведаеце, па выніках праведзенага другога тура па стане на дзесяць раніцы было ўведзена 97,16% пратаколаў, розніца паміж кандыдатамі складала 7%. Мы задаваліся пытаннем: чаму гэтыя пакінутыя пратаколы так доўга не былі ўведзеныя?» — апісала яна сітуацыю.

«17 верасня службы МНС абмежавалі доступ у ТВК Савецкага раёна Уладзівастока пад падставай работ. Камісія доўгі час была без аховы, без кантролю. Важнейшыя дакументы былі без кантролю», — дадала Памфілава.
Як высветліла ЦВК, у ходзе кампаніі шматлікія скаргі паступалі ў дачыненні да абодвух кандыдатаў, а па выніках галасавання выбарчыя ўчасткі былі са 100-працэнтнымі вынікамі як за кандыдата ад КПРФ Андрэя Ішчанку, так і за адзінароса Андрэя Тарасенку. «Так што гэта не гульня ў адны вароты», — рэзюмавала кіраўнік Цэнтрвыбаркама.
Прысутным журналістам раздалі даведку ЦВК аб выбарах у Прымор'і. У ёй гаворыцца пра ў цэлым добрую арганізацыю выбарчага працэсу краёвай выбарчай камісіяй, аднак на завяршальным этапе «мела месца грубае ўмяшальніцтва ў выбарчую кампанію з ужываннем адміністрацыйнага рэсурсу». У даведцы таксама адзначана, што парушэнні насілі лакальны характар, у асноўным у гарадах Усурыйск, Находка і Арцём. «Крыўдна, што такая лакальная канцэнтрацыя парушэнняў <...> перакрэслівае працу ўсіх астатніх выбарчых камісій», — адзначылі ў Цэнтрвыбаркаме.
Акрамя таго, ЦВК прызнала абгрунтаваным рашэнне тэрытарыяльнай выбарчай камісіі аб адмене вынікаў галасавання на 13 выбарчых участках у Савецкім раёне Уладзівастока.
Памфілава таксама дадала, што, калі прыморскі крайвыбаркам пагодзіцца з рэкамендацыяй ЦВК, «выбары пройдуць праз тры месяцы, як і варта па законе».
Паводле РБК