Украіна ў Мінску абмяркоўвае магчымасць правядзення выбараў на Данбасе па спецзакону

Падчас сустрэч кантактнай трохбаковай групы ў Мінску пры ўдзеле ўкраінскага боку ідзе актыўнае абмеркаванне спецыяльнага закона для правядзення выбараў на некантраляваных тэрыторыях Данбаса.



Гэта высветлілася пасля сустрэчы кіраўнікоў МЗС "нармандскай чацвёркі", што адбылася 12 верасня ў Берліне, перадае zn.ua.

"Па завяршэнні сустрэчы міністэрства замежных спраў Германіі апублікавала заяву, у якой, у прыватнасці, адзначалася: "Умовы і тэрміны правядзення мясцовых выбараў будуць складзеныя ў працоўнай групе па пытаннях палітыкі кантактнай трохбаковай групы. Яны абапіраюцца на прапановы каардынатара адпаведнай рабочай групы П'ера Марэля", — гаворыцца ў артыкуле.

Афіцыйна "план Марэля" называецца "Элементы для часовага закона аб мясцовых выбарах у некаторых раёнах Данецкай і Луганскай абласцей".

Падкрэсліваецца, што палітычная падгрупа трохбаковай кантактнай групы абмяркоўвае магчымасць распрацоўкі спецыяльнага закона, які дазваляе правесці выбары на некантраляваных тэрыторыях пад эгідай Кіева.

"Гэтая магчымасць замацаваная рашэннем кіраўнікоў МЗС чатырох дзяржаў. І гэтая магчымасць працягвае абмяркоўвацца бакамі. І будзе абмяркоўвацца аж да парыжскага саміту "нармандскай чацвёркі", гэта значыць, як мінімум, да канца верасня. Нягледзячы на "указ" Захарчанкі аб правядзенні ўласных выбараў" , — гаворыцца ў артыкуле.

Гэтую інфармацыю ZN.UA пацвердзілі асобы, датычныя да мінскага працэсу.

У "плане Марэля" ёсць пералік умоў, якія вызначаюць магчымасць правядзення выбараў на тэрыторыях, што кантралююцца баевікамі: спыненне агню; бяспека; прагрэсіўнае вяртанне да нармальнага жыцця; пагадненне па даце, пацверджанае трохбаковай кантактнай групы; назіранне БДІПЧ, закон аб статусе, амністыя, гуманітарны доступ.