Украінская лётчыца знаходзіцца ў расійскім СІЗА

Украінскае міністэрства замежных справаў выказала рашучы пратэст супраць дзеянняў Расіі. 



10401979_778494775524630_6298174908440623983_n.jpg

Надзея Саўчанка — пілот, затрыманая прарасійскімі сепаратыстамі пад Славянскам, апынулася ў расійскім следчым ізалятары. Паводле звестак СМІ, ўлады Расіі абвінавачваюць жанчыну ў забойстве расійскіх журналістаў.

Два тыдні таму жанчыну затрымалі прарасійскяі баевікі на тэрыторыі Украіны. У інтэрнэце было апублікаванае відэа, у якім пілот кажа пра свае патрыятычныя погляды. Цяпер, як высветліў украінскі канал 1+1, расійскія ўлады трымаюць Надзею Саўчанку ў следчым ізалятары ў Варонежы. Яе справай займаецца адвакат Мікалай Шульжэнка.

Украінскае міністэрства замежных справаў выказала рашучы пратэст супраць дзеянняў Расіі. Выкраданне пілёта — гэта чарговы доказ супрацоўніцтва баевікоў з Данбасу з расійскімі ўладамі. Было парушанае ня толькі міжнароднае права, але і элементарныя прынцыпы маралі — гаворыцца ў заяве.

www.radyjo.net