Уручэнне прэміі «Оскар». Дасье ў карыкатурах

Увечары 10 сакавіка ў Лос-Анджэлесе адбудзецца чарговая цырымонія ўручэння прэміі «Оскар». Падобныя шоу даўно выклікаюць інтарэс у аўтараў карыкатур. 

Цяжка сказаць, калі ўпершыню цырымонія ўручэння ўзнагарод патрапіла ў фокус увагі карыкатурыстаў. Так ці інакш, сёння розныя яе аспекты актыўна выкарыстоўваюцца мастакамі для адлюстравання актуальных палітычных і грамадскіх з'яў і падзей. Напрыклад, вось так графікі іранізавалі над рэжымам каранціну, які быў уведзены ў ЗША падчас нядаўняй эпідэміі COVID-19.

Пандэмія прайшла, і Амерыка вярнулася да сваёй любімай забавы —- культурнай вайны паміж лібераламі і кансерватарамі. Напрыклад, адзін з ліберальных мастакоў высмейвае адсутнасць амерыканцаў лаціна-амерыканскага паходжання ў спісах намінантаў. Удзел «лацінас» у Оскары абмяжоўваецца тым, што прыбіральшчыца-мексіканка выцірае статуэтку.

Кансерватыўныя графікі таксама не застаюцца ў даўгу. На гэтай карыкатуры ўваход на цырымонію ўручэння забаронены для цэлых груп амерыканцаў: кансерватараў, рэспубліканцаў, тых, хто не верыць у глабальнае пацяпленне, і нават уладальнікаў бейсболак з трампаўскім лозунгам MAGA (Зробім Амерыку зноў вялікай).

Дарэчы, Трамп і Галівуд — гэта асобны сюжэт. Паколькі Галівуд — бастыён левых і лібералаў, тут Дональда, мякка кажучы, не любяць. Яму нават забаранілі ўдзельнічаць у цырымоніі «Оскар». На гэтым малюнку Трамп атрымлівае пакет «Оскараў» за самыя негатыўныя ўчынкі — «За хлусню», «За любоў да Расіі», «За хаос» і г.д.

Зрэшты, для некаторых актывістаў цяперашні Галівуд усё роўна недастаткова радыкальны. Па-ранейшаму ў іх асяроддзі папулярны забабон наконт таго, што кінаіндустрыя трымаецца на сексуальнай эксплуатацыі рэжысёрамі і прадзюсарамі жанчын-артыстак. Адзін з мастакоў жартам прапануе ўручаць прыз таму, хто яшчэ пра гэта не ведае.

Застаецца дадаць, што пры ўсёй ангажаванасці ў амерыканскі парадак дня ў Галівудзе ўсё ж знаходзяць час падтрымліваць дэмакратычны рух за мяжой, у прыватнасці, Расіі. Так, фільм «Навальны» ў 2023-м атрымаў узнагароду, што графічна пракаментаваў вядомы антыпуцінскі рэсурс «Вусы Пяскова».