Венесуэла: Мадура прыгразіў захапіць бастуючыя заводы

Прэзідэнт Венесуэлы Нікалас Мадура прыгразіў непрацуючым з-за забастоўкі заводам захопам, а іх уладальнікам — турмой, паведамляе BBC.

"Мы павінны прыняць усе меры для аднаўлення вытворчага патэнцыялу, які быў паралізаваны буржуазіяй", — заявіў Мадура на мітынгу ў Каракасе.


Ён таксама распарадзіўся правесці ваенныя вучэнні на мяжы з Калумбіяй, пасля таго як прэзідэнт гэтай краіны Альвара Урыбе заклікаў да абароны апазіцыйных партый Венесуэлы.


Тым часам прыхільнікі апазіцыі праводзяць акцыі пратэсту ў Каракасе, патрабуючы адстаўкі прэзідэнта.


У пятніцу Мадура абвясціў у краіне надзвычайнае становішча, патлумачыўшы гэта неабходнасцю даць адпор "агрэсіі Захаду", якая, на яго думку, вінаватая ў праблемах Венесуэлы. Пры гэтым сама пастанова пакуль не была нідзе апублікавана.


Гэта рашэнне было прынята, у прыватнасці, пасля таго, як найбуйнейшы ў краіне вытворца напояў і прадуктаў харчавання Polar Group прыпыніў вытворчасць піва з 30 красавіка, заявіўшы, што некампетэнтнасць улад зрабіла немагчымым імпарт ячменю. Уладальнік кампаніі Ларэнса Мендоза — заўзяты праціўнік Мадура.


Апазіцыя абвінавачвае прэзідэнта ў выкарыстанні надзвычайнага становішча, каб пазбегнуць рэферэндуму аб сваёй адстаўцы. Апазіцыянеры ўжо сабралі больш за 1,8 млн подпісаў на карысць правядзення такога рэферэндуму.


Эканамічны крызіс у Венесуэле ў апошнія гады прывёў да недахопу прадуктаў харчавання і дэфіцыту прадметаў першай неабходнасці, у прыватнасці туалетнай паперы, гіганцкім чэргах і эпізодах марадзёрства.




Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: