За час пратэстаў у Іраку — ужо больш за 40 забітых

У Іраку ўспыхнула другая хваля масавых пратэстаў за апошнія тыдні. Забіта не менш як 42 чалавекі, паранена каля 1800. Пратэсты накіраваныя супраць урада краіны. 

Не менш 42 чалавек забітыя і каля 1800 чалавек параненыя ў выніку антыўрадавых пратэстаў, якія зноў ўспыхнулі ў Іраку, паведамляе агенцтва AFP ў суботу, 26 кастрычніка. Сярод забітых — 25 пратэстоўцаў, супрацоўнік спецслужбаў і член ўплывовай ўзброенай групоўкі, акрамя таго, раненні атрымалі 68 прадстаўнікоў сілавых структур. Два тыдні таму ў ходзе падобных сутыкненняў загінула 167 чалавек і больш за 6000 атрымалі раненні. Пратэсты накіраваны супраць высокага беспрацоўя, карупцыі і пралікаў у кіраванні, якія дапускае ўрад прэм'ер-міністра Адэля Абдэля Махдзі.
У Багдадзе забітыя 8 чалавек. Па паведамленнях паліцыі і медыкаў, як найменш пяць з іх былі смяротна паранены ў выніку траплення ў твар гранат са слёзацечным газам. Сілы бяспекі выкарыстоўвалі слёзацечны газ і светлагукавыя гранаты, каб адціснуць натоўп, якая перамясцілася ў так званую «зялёную зону», дзе размешчаны ўрадавыя ўстановы і амбасады замежных дзяржаў. Духоўны лідар краіны, 89-гадовы аятала Алі ас-Сістані заклікаў дэманстрантаў і прадстаўнікоў улады да мірнага дыялогу. У той жа час ас-Сістані заявіў, што сілы бяспекі не павінны дапускаць варожых дзеянняў з боку пратэстоўцаў у дачыненні да грамадскай маёмасці і прыватнай уласнасці.
Многія іракцы жывуць за мяжой беднасці і маюць абмежаваны доступ да чыстай вады, электрычнасці, адукацыі і аховы здароўя. Урад абяцаў пачаць рэформы ў краіне. План з 17 пунктаў абяцае, сярод іншага, падтрымку беспрацоўных і сваякоў забітых пратэстуючых.
dw.com