За што амбасадар Украіны ў Германіі Мельнік назваў Шольца «пакрыўджанай каўбасой»

Украінскі амбасадар у Германіі Андрэй Мельнік раскрытыкаваў адмову нямецкага канцлера Олафа Шольца наведаць Украіну. Шольц нібыта пакрыўдзіўся на пазіцыю Офіса Уладзіміра Зяленскага ў дачыненні да прэзідэнта ФРГ Франка-Вальтэра Штайнмаера.

«Разыгрываць пакрыўджаную каўбасу — не вельмі па-дзяржаўнаму», — цытуе дыпламата Мельніка (на фота) нямецкая газета Spiegel.

Па яго словах, «гаворка ідзе аб жорсткай вайне на знішчэнне з часоў нападу нацыстаў на Украіну, гэта не дзіцячы сад».

Фразеялагізмам «пакрыўджаная каўбаса» ў нямецкай мове называюць чалавека, які адмыслова шукае прычыны, каб пакрыўдзіцца, не маючы на тое слушных нагодаў.

Мельнік дадаў, што Зяленскі па-ранейшаму чакае Шольц ў Кіеве. Аднак, ён адзначыў, што Украіна чакае ад Берліна «значна большага, чым сімвалічнага візіту». Гаворка ідзе аб адабрэнні урадам Шольц паставак Украіне цяжкага ўзбраення.

Пасол раскрытыкаваў той факт, што да гэтага часу не знойдзеныя боепрыпасы для абяцаных зенітных танкаў «Гепард». Танкі з'яўляюцца першым цяжкім узбраеннем, дастаўленым непасрэдна з Нямеччыны ва Украіну.

Раней у інтэрв'ю нямецкаму грамадскаму вяшчальніку ZDF Шольц заявіў, што не плануе наведваць Украіну пасля таго, як Кіеў адхіліў візіт Штайнмаера.

12 красавіка Штайнмаер, які знаходзіўся ў Варшаве, паведаміў, што кіраўніцтва ў Кіеве адхіліла яго візіт ва Украіну. Паводле яго слоў, прэзідэнт Польшчы Анджэй Дуда прапаноўваў яму разам з балтыйскімі калегамі наведаць украінскую сталіцу.

Па інфармацыі Bild, Штайнмаера не захацелі бачыць у Кіеве з-за яго цесных сувязяў з Расіяй. Пры гэтым сам палітык пасля ўварвання РФ ва Украіну асудзіў дзеянні Пуціна і нават заклікаў прыцягнуць палітычнае кіраўніцтва РФ да трыбунала.

Тады Шольц выказаў раздражненне наконт адмовы ў прыездзе Штайнмаера.

Хоць сам кіраўнік МЗС Украіны Дзмітрый Кулеба адказваў, што адхіленне прапановы Штайнмаера будзе ўрэгулявана, і ніякай шкоды для ўкраінска-германскіх адносін не будзе.

Паводле unian.net.