Deutsche Bank спыняе разлікі з беларускімі банкамі і дзяржаўнымі прадпрыемствамі

Пра гэта стала вядома з ліста ўкраінскага банка.

Нямецкі Deutsche Bank спыняе правядзенне разлікаў у доларах і еўра з беларускімі банкамі і дзяржаўнымі прадпрыемствамі.
Пра гэта стала вядома з ліста, які разаслаў сваім кліентам украінскі OTP Bank (ён мае карэспандэнцкія адносіны з Deutsche Bank).
Таксама ў лісце пазначана, што не будуць праводзіцца плацяжы на карысць «публічных асобаў Рэспублікі Беларусь» (імаверна, маюцца на ўвазе прадстаўнікі рэжыму Лукашэнкі, якія патрапілі ў санкцыйныя спісы).